Silap pissusaata allanngoriartornerata aallaavia apeqquserpaat
Tamanna ilumoortortaqarnersoq Naalagaaffiit peqatigiit silap pissusaa pillugu ataatsimiittartoqatigiivisa pimoorullugu misissornialerpaat.
Amerikamiut tuluillu silap pissusaa pillugu ilisimatuui nuimasut, sapaatit akunnerisa marluk matuma siorna e-mailikkut allaqatigiittarsimaneri qoqassinneqarlutik iserfigineqariarlutik allagarisimasaallu siammarterneqareermata qassiiliorneq aallartippoq. Ilaatigut qanorilillutik paasissutissat pingaarutillit saqqummiunneqassanersut, qanorlu akerlerisatik akiorluarsinnaanerussagaat allakkani atuarneqarsinnaapput.
Aamma allakkat ilaanni silap pissusaanik ilisimatuup Kevin Tremburthip silap kiatsikkiartorunnaarsimanera ilisimaneqannginnerarlugu allaaserisimavaa.
Ilami silap pissusaata allanngoriartornerata sunarpiaq aallaavigineraa ilisimaneqanngimmat isumammut isorinnittunit sakkussatsialaavoq, taamaammat Naalagaaffiit Peqatigiit silap pissusaa pillugu ataatsimiittartoqatigiivisa suna tamaat qulaajarlugu misissuinialikkersaalerput.