Issittoq ikuallattoq: Silap pissusaata allanngoriartorneranut annertusaaqataasoq
Alaskami ikuallannerit amerlanerit nunap qeqqaniinnerupput Inuit illoqarfiinut Kotzebuemut aamma Nomemut qanittuni, aamma naalagaaffiup kujammut kitaani, ullullu tamaasa allanngortarput siaruaraluttuinnarlutillu.
- Ajornartorsiutaavoq angisooq. Ikuallannerit nunap qeriuaannartup qerinera ikuallannermit aatsinneqartarmat suli ajorneruvoq, taamaanneranilu gassit carbondioxid aamma metan silaannarmut anillatsinneqartarmata, USA-p ujarassiorneq pillugu misissuisarfianeersoq Bruce Wylie National Postimut oqarpoq.
Gassit taakkorpiaat silap pissusaata allanngorneranut pissutaaqataallutillu annertusaataapput.
Ikuallannerit qeriuaannartullu aannerata nunap pissusaa allanngortissinnaagaat Bruce Wylie nangilluni oqarpoq.
AAMMA ATUARUK Sisimiut eqqaani ikuallattoq ikualaqqilersoq
Uumasut inuillu anersaartorniarnerat ikuallannerit pujuat pissutigalugu ajornakusoorsinnaasoq peqqissutsimullu ajoqutaangaatsiarsinnaalluni, Uumasut nakorsaat Carol Nielsen Fairbanksimeersoq KNR-imut oqarpoq
Alaskami ikuallannerit pujuat massakkut issungaarmat Qalasersuup Avannarliup tungaanut ingerlaarpoq, Europami Copernicus Atmosphere Monitoring Servicemi ilisimatooq Mark Paddington oqarpoq.
Issittumi tamani ikuallattoqartaraluartoq Alaskami Ruslandimilu ikuallannerit amerlanerpaapput.
