Nittartagaq ateqarpoq www.Coolplanet2009.org taannalu nunani avannarlerni naalakkersuisut nunarsuarmiooqataaneq pillugu isumasioqatigiinneranni Nunat Avannarliit Siunnersuisooqatigiinnit aallartinneqartumit qaammat kingulleq Islandimi pisumit pilersinneqarpoq.
Nittartagaq sila pillugu Københavnimi decemberimi ataatsimiinnissarsuarmut atatillugu nunarsuarmiooqatigiinnut malugeqqusaarutitut suliaavoq.
-Sila pillugu ajornartorsiornermut paasititsiniutitut Europami innuttaasunut naalakkersuisuinullu paasititsiniaanikkut nittartagaq sulilersitsiniartussaavoq, Naalagaaffiit Peqatigiit oqaaseqartartuat, Afsané Bassir-Pour, oqarpoq, taassumalu erseqqissarpaa nittartagaq atuisunut isumassarsisitsillunilu oqalliffiussasoq, taamaaliornikkut sila pillugu decembarimi ataatsimiinnissarsuaq annerpaamik eqqumaffigilerneqaqqullugu.
Nittartakkap ullup qeqqanngilaarnerani alakkarnerani takuneqarsinnaavoq nittartakkap ilusilersugaanera soqutiginartoq, kiisalu oqaluttuaaqqat ilaatigut erinarsortartumit Björkimit kiisalu sila pillugu ministerip Connie Hedegårdimit oqaluttuarineqarpoq sila pillugu oqallinnermi sooq soqutiginninnerlutik.