Silap pissusaata allanngoriartornera ilimagisamit sukkanerussaaq

Sikup Issittumiittup aakkiartornera ilutigalugu silap pissusaata allanngoriartornera ilimagisamiit sukkanerussaaq.

Immap sikua CO2-mik silaannarmiittumik tigusisarpoq, ukiullu 1000-it sinnerlugit uninngatissinnaallugu. Misissuinerit nutaat tamanna takutippaat, ungasinngitsukkullu saqqummersinneqarumaarlutik.

Morgenavisen Jyllandspostenimi tamanna atuarneqarsinnaavoq.

Sikulli aakkiartornera ilutigalugu CO2 sikumit "tiguneqartartoq" annikilliartussaaq, silallu pissusaata allanngoriartornera ilimagisamit sukkanerussalluni:

- Immap sikuata aakkiartornera taamaaginnassappat silap pissusaata allanngoriartornera sakkortusigaluttuinnassaaq, CO2 silaannarmiittoq annertusigaluttuinnassammat, professori Søren Rysgaard, Silap pissusaanik Kalaalit Nunaanni misissuivissameersoq oqarpoq.

Imavissuit silaannarmit 50-eriaammik annertunerusumik kulstoffeqarput. Silaannarmi kulstoffip annertusiartuinnarnera silaannaap kissakkiartorneranut annertunerpaamik pissutaasorineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat