Silap pissusaata allanngoriartornera ernummatigineruaat
Tamanna EU-mi ilaasortani naalagaaffinni 27-usuni EU-kommissionip misissuisitsisimaneranit ersersinneqarpoq.
Silap pissusaata allanngoriartornera nunarsuarmi ajornartorsiutit annerpaartarigaat apersorneqartut 27.000-iusut 20 procentiisa oqaatigaat. Ajornartorsiutit annersaattut taaneqartunit piitsuussutsimit, kaannermit imissaaleqinermillu 28 procentinit taaneqartunit taamaallaat qaangerneqarsimalluni. Apersorneqartut taamaallaat 16 procentii aningaasaqarneq eqqarsaatigalugu aarleqquteqarnerupput.
EU-mi silap pissusaanut kommissærip, Connie Hedegaardip oqaatigaa, innuttaasut aarleqquteqarnerat Europami aalajangiisartunut sakkortuumik erseqqissaanerusoq.
- Silap pissusaata allanngoriartornerata ajornartorsiutaanerata ajorluinnartup, naalakkersuinermik suliaqartut suliffissuaqarnermilu pisortaasut maannakkut aaqqinniartariaqaraat, europamiut amerlanersaasa naatsorsuutigaat. Innuttavut aarleqquteqarput. Neriuutigaara innuttaasut kaammattuutaat naalagaaffinni ataasiakkaani naalakkersuisut akissuteqarfigissagaat, Connie Hedegaard oqarpoq.
