Silap pissusaata allanngoriartornera eqqissinermut qanoq attuumassuseqarnersoq nassuiarneqarpoq

Silap pissusaata allanngoriartornera eqqissinermut qanoq attuumassuteqarami? Ilisimatuunngorniaq, Sten Nordstrøm, suliffimmini; Dansk Institut for Internationale Studier, nunat tamat aallaavigalugit misissuisarfimmi, ilaatigut aaqqiagiinnginnerit qanoq silap pissusaata allanngoriartorneranik aallaaveqarsinnaanersut misissugarai. Eqqissinissaq pillugu ullumi nersornaasiineq imatut oqaaseqarfigaa:
oktobarip 12-at 2007 12:23

Nersornaasigassamik toqqaaneq tulluarnersoq apeqquserneqarsinnaagaluartoq tupaallannanngilaq.

Silap pissussaata allanngoriartornera qanoq aaqqiagiinnginnernut sunniuteqartarnersoq suli ilisimasaqarfigivallaanngilarput. Tupaallannanngilaq, Nobelip nersornaasiuttagaanik nersornaasigassanik toqqaasartut ukiut kingulliit siunissaq ungasinnerusoq eqqarsaatigalugu eqqissinissamut sunniuteqarsinnaasut eqqumaffigimmatigit. Qanoq ililluni silap pissusaata allanngoriartornerata eqqissinermut sunniuteqarsinnaanera immikkoortunut pingasunut aggorneqarpoq, tassa siullermik silap pissusaata inuit najukkaminniit qimaasarnerat sunnertarpaa, aaqqiagiinnginnermik kinguneqarsinnaasoq, aappaattut nioqqutissanik nerisassanillu amigaateqalerneq silap pissusaata sunnertarpaa, aamma aaqqiagiinnginnermik kinguneqartartoq, kiisalu nunat assigiinngitsut immikkoortortaat siornatigut soqutiginarsimanngitsut nunat killeqarfiisa eqqaaniippata killeqarfilerngusaannernik kinguneqarsinaapput, Sten Nordstrøm oqarpoq.