Silap pissusaanik ilisimatusarfissamut marluk qinnuteqarsimapput
Silap pissusaata allanngoriartornera sammineqaleruttortoq silap pissusaanik Nuummi misissuivissami pisortassatut qinnuteqartut imaaginnavinngitsut, AG-mi atuarneqarsinnaavoq.
Allattoq Lotte Holm
Pisortassaq februaarip aallaqqaataani atorfinittussatut inuttassarsiuunneqaraluarpoq, qinnuteqarfissallu qaangiunnerani qinnuteqartut marluinnaapput.
Kalaallit Nunaanni ilisimatuutut misissuinernut kommissionip qinnuteqaatit nalilersortussaavai, siulittaasuatalu Minik Rosingip oqaatigaa marluinnarnik qinnuteqartoqarsimanera nalinginnaasoq:
- Professoritut qaffasitsigisumik atorfinitsitsisoqassaaq, taamaammat nalinginnaavoq marluinnaat qinnuteqarsimappata, Minik Rosing Sermitsiamut oqarpoq.