Silap pissusaa pillugu ilisimatusarfissaq Nuummi ullumi ammarpoq

Ilisimatusarfimmi silap pissusaata allanngoriartornera, allanngoriartorneratalu issittumi pinngortitamut inuiaqatigiinnullu kinguneri ilisimatusaatigineqartassapput.
Allattoq Elisa Isaksen
maajip 01-at 2009 10:56

Ilisimatusarfittaami professori marinbiologitut ilinniagalik Søren Rysgaard pisortaassaaq.

Silap pissusaa pillugu ilisimatusarfik Ilisimatusarnermut ministeriap 35 millioni koruuninik aningaasaliineratigut piviusunngortinneqarpoq.

Professor Søren Rysgaardip, Pinngortitaleriffimmi ukiuni kingullerni sisamani sulisimasup saniatigut inuiaqatigiilerinermik ilisimatuumik, Ilimmarfimmiittumi Ilisimatusarfimmut attuumassuteqartumik ilisimatusarfittaami atorfinitsitsisoqassaq. Ilimagineqarpoq ilisimatusarluni suliniutit assigiinngitsit tallimaniit arfineq-pingasunut amerlassusillit aallartinneqarsinnaajumaartut.

Silap pissusaa pillugu ilisimatusarfimmi silap pissusaata allanngoriartornerata kingunerisai, qanorlu inuiaqatigiinni silamut naleqqussartoqartassanersoq sammineqartassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq