Silap Pissusaa pillugu Ilisimatusarfik pisortatigoortumik ammarneqarpoq
Silap pissusaata allanngorneri tassungalu atatillugu inuiaqatigiit avatangiisiminnut naleqqussarnissaat atorluaanissaallu, Silap Pissusaa pillugu Ilisimatusarfimmi sammineqassapput.
Qallunaat Nunaanni nunanilu allani ilisimatusarfiit qanimut suleqatigineqarnissaat aamma siunertarineqarpoq.
Pinngortitaleriffiup Ilisimatusarfiup kiisalu Kommissionen for Videnskabelige Undersøgelser i Grønland-imik taaguutillip, suleqatigiinnerisigut Silap Pissusaa pillugu Ilismatusarfik piviusunngortinneqarpoq.
Ilisimatusarnermut ministeri, Helge Sander pisortatigoortumik ammaanersiornermi tikinngitsoorpoq, timmisartorsuaq kinguaattoormat.