Silap pissusaa pillugu Danmarkimik isumaqatigiinniarnerit ingerlalluarput

- Silaannaap pissusaanik isumaqatigiinniarnissamut, Danmarkimi decembarimi pisussamut, Kalaallit Nunaanninngaaniit piumasat assigiinngitsuupput – CO2-mik aniatitsineq massakkut 700.000 tonsip missaaniippoq, kisiannili Kalaallit Nunaat massakkut ima inissisimavoq annertunerusumik suliffissuaqarani, uuliasiorneq suli aallartinngilaq, aatsitassarsiornerlu annertunerusumik aallartinnikuunani. Tamakku aallarteriarpata pisariaqartussaassaaq minnerpaamik CO2-p 10 millioni tonsip aniatissinnaanissaa. Tassalu taakku aallaavigalugit Namminersornerullutik Oqartussaninngaaniit sulisut silap pissusaa pillugu Danmarkimi ministereqarfimmut massakkut isumaqatigiinniarput.
maajip 15-at 2009 17:03

- Danskit massakkut isumaqatigiinniartut qitiusumik katersortussaavaat nunarsuarmi tamarmi isummat assigiinngitsut, uagullu Danmarkimiit ilaasussaavugut, immikkut nammineq isumaqatigiinniarsinnaanngilagut, kisiannili danskit ilagalugit isumaqatigiinniarnermi ilaasinnaalluta, taannalu uagut Kalaallit Nunaanninngaanniit orniginartittutut inissisimaffigaarput. Taamaattumik anguniakkat uku Danmarkimut anguniarneqassappata pingaaruteqartorujussuuvoq isumaqatigiinniarnerup kusanartumik inerneqarnissaa, tassanilu aamma paaseqatigiinneq pingaaruteqartorujussuuvoq, Danmarkimiimmi aamma namminneq oqariartuutigereerpaat Kalaallit Nunaanni aatsitassarsiorneq uuliasiornerlu tapersersoritsik, taamaattumik tupinnartoqanngitsutut Kalaallit Nunaanninngaanniit isigineqarpoq 10 millioni tonsit tungaanut siunissami aniatitsisinnaanissaq takorloorneqartoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq