Silap pissusaa pillugu akerliussutsimik takutitsinersuaqassaaq

Silap pissusaata allanngoriartornera unitsilli. Nunarsuarmi naapertuilluarneq piumasariuk. Silap pissusaa pillugu Københavnimi arfininngornermi decembarip sisamaani akerliussutsimik takutitsinissami oqariartuutit ilaatigut taama nipeqarput.
novembarip 18-at 2010 09:23

- Akerliussutsimik takutitsitsivugut sila kiatsikkiartormat, nunarsuaq ikuallammat, silap pissusaa ippinnarmat nunarsuarmilu siuttut suli iliuuseqarumanatik, aaqqissuisut qaaqqusissumminni allapput.

Akerliussutsimik takutitsinermi oqariartuutigineqartut silap pissusaa pillugu Københavnimi siorna ataatsimiittoqarnerani akerliusunit oqariartuutigineqartunut assingupput.

Inuit 100.000-it angullugit taamanikkut peqataapput. Taamaattorli ukioq manna taama amerlatiginissaat naatsorsuutigineqanngilaq.

Silap pissusaa pillugu

COP 16-imi akerliussutsimik takutitsineq Mexicomi Cancunimi ataatsimeersuarnerup nalaani pissaaq, taanna Københavnimi COP 15-ip nanginneraa.

COP 16 novembarip 29-iani aallartissaaq decembarillu qulingata tungaanut ingerlassalluni.

Tassani nunat silap allanngoriartornerata pissutaanik navianartorsiornerpaat ikiorsiivigineqarnissaat neriuutigineqarpoq. Taakku saniatigut nunanut piitsunut teknikikkut avatangiisinut illersuutaasinnaasunik pissarsinissaq aamma kiattup orpippassuinik piaanerup unitsinnissa anguniagaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq