Silap allanngorneranut aallartitat
Silap allanngoriartorneranut ministerinngorlaap Connie Heedegaard-ip ilisimatitsissutigaa Silap allanngorneranut aallartitat tallimat, USA-mut, Kina-mut, India-mut nunanullu allanut marlunnut suli toqqarneqanngitsunut aallartineqassasut.
Nunat atimikkut taariikkat tassaaginnanngillat CO2-mik aniasitsinerpaat, kisiannili aamma nunani tamalaani isumaqatigiissusiornissamut akerlilersuinerpaat. Taakku ernumassutigaat nukissiornermi atuinermi millisarniarneratigut aningaasarsiornermikkut ineriartornissaminnik killilersorneqassallutik.
Silap allanngorneranut aallartitat tallimat isumagisussaavaat Københavnimi 2009-imi silap allanngoriartornera pillugu ataatsimeersuarnissami nunanut taakkununnga paasissutissanik ingerlatitsarnissaq oqilisassallugu, taamaalillunilu ataatsimeersuarnissami angusaqarnissaq ilimanarnerulissallugu.
Connie Hedegaard decemberip aallartilaarnerani Naalagaaffiit Peqatigiit Balimi ataatsimeersuarnissaanni nunarsuarmi naalagaaffinnit aalajangiisartui ataatsimeeqatigissavai. Ataatsimiinnissami 2009-mi Københavnimi angusaqarluarnissaq piareersarneqassaaq.
