Silaannaap allanngoriartornera nunatsinniinnaq malugineqanngilaq. Aammattaaq Norgep avannaani Kautokeino-miut assingusunik malugisaqarput, Silaannaap allanngoriartornera pillugu 63-inik ukiulik Isak Mathes:
-Orpippassuarni orpiit malunnarluinnartumik alliartuinnarput aputeqartangaarmallu tuttut nunamut assaallutik issuatsiaartugassatik tikinneq ajulertarpaat. Isserujussuartarunnaarmat Saamit tuttuutiminnik paaqqutarinninnerulerput.
Kautokeino-mi ukiut 30-t 40-t matuma siornatigut ima issittartigisimavoq allaat - 50 gradet tikittarsimallugit.
Isak Mathes isumaqarpoq, silaannaap kissatsikkiartornera taamatut sukkatigisumik ingerlaannassappat Saaminut kinguneqarnerlorujussuarsinnaasoq.