Silap allanngoriartornera ukiut 55 miilionit matuma siorna aallartippoq
Siumut siulittuisinnaaneq ajorakusoorpoq – aamma silaannaap allanngoriartorneranut. Ukiulli 55 milionit matuma siorna pisimasup qanoq pisoqarnissaanik annikikkaluamik immaqa oqalutuutilaarsinnaavaatigut.
Roskildemi ilisimatusartut arlallit Amerikamilu ilinniarnertuunngorniarfiit marluk isumaqarput, qanga imarpissuit kisatserujussuarsimanerannut gassit silaannarmik kissakkiartortitsisartut pissutaasimasut. Ukiullu 55 millionit matuma siorna pisimasut taakku minissuiffigineqarnerisa inernerisa, silaannap maanna kissatsikkiartornera immaqa nassuiaatissaqartissinnaavaat.
Immap naqqanut kiviorarsimasut taaavalu Tunumi Savalimmiunilu arsakut katersuussimasut assersuukkamikkik, ilisimatuut inerniliuppaat, imarpissuit taamani kissatserujussuarsimaneranut pissutaasoq qaqqat innermik anitsiserujussuartarnerisigut Kalaallit Nunaat Europallu Kitaata avannarpasinnerusortaa illuarlutik imminnut avissaarsimasut, taamaalilluni Atlantikup Avannaani imarpissuaq pinngorluni.
Ilisimatusartut allat ersersinniartarpaat gassit silaannarmik kissatsikkiartortitsisut ukiut 10.000-t matuma siorna aatsaat anialersut, taamaattorli ukiut 100.000-it aatsaat ingerlareermata kissassutsit aallaqqaammut pissutsiminnut utersimallutik.
