Silap allanngoriartornera pillugu FN ataatsimeersuartitsilerpoq

Silaannaap allangoriartornerata unikaallatsinneqarnissaa pillugu suliniarnissamik nunat tamalaat Kyotomi isumaqatigiissutaat 2012-ip kingornagut nanginneqanngippat aningaasat milliarder koruunit arlalissuit asuliinnassapput. Taama silaannaap allanngoriartornera pillugu Canadami Montrealimi Novembarip 28-ianiit Naalagaaffiit Peqatigiit ataatsimeersuartitsinissaat imaqassaaq, nunatsinnit aamma peqataaffigineqartussaq.

Silaannaap allanngoriartornera pillugu Montrealimi ataatsimeersuarnissamut ulluni 14-ini ingerlanneqartussamut peqataajartussapput ilisimatuut

attuumassuteqartullu allat nunanit tamalaanneersut katillutik 20.000-it. Nunarput ataatimeersuarnermi aamma peqataasitaqassaaq, Namminersornerullutik Oqartussat massakkuungallartoq ataatsimik aallartitaqassapput, Inuit Issittorfiut kattuffiat ICC

nunatsineersunik, Canadameersunik Ruslandimeersunillu peqataasitaqassaaq, nunatsinniit Carl Christian Olsen- Puju, Aqqaluk Lynge kiisalu Lene Kielsen Holm peqataassapput. Aamma piniartut aalisartullu kattufiat KNAPK sinnerlugu peqataassaaq Niels Lange Andersen. Nunatsinnit peqataasussat saniatigut Arctic Councel, Issittumi Siunnersuisooqatigiit nunap inoqqaavinut allattoqarfiat, Indegenous Peoples Secretariat, ataatsimeersuarnermi issittumut tunngasunut Arctic Day- imik taallugu ulloqartitsissaaq, tassani Canadami Inuit Tapiriit nalunaarusiaat atuaganngorlugu saqqummersitaq saqqummersinneqassaaq. Nalunaarusiap imaraa ukiuni sisamani silaannaap allanngoriartornerata Canadami inuit kommuneqarfiinut 16-inut inoqarfinnullu sisamanut sunniutigisimasai, Lene Kielsen Holm ICC nunatsinniit ilisimatitsivoq.

Danskit ataatsimeersuarnermut aamma peqataatitaqassapput, peqataassaaq Danmarkimi avatangiisinut ministeri Konservativineersoq Connie Hedegaard Folketingimilu Avatangiisinut Ataatsimiititaliap ilaasortai arfineq marluk.

Silaannaap allanngoriartornera pillugu naalagaaffiit Peqatigiit aqqanilissaannik ataatsimeersuarnissaani Kyoto-mi isumaqatigiissutip 2012-imut killeqartup ingerlaannarnissaa annertuumik oqillisigineqassasoq ilimagineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat