Silap ajornera Air Greenlandimik ilungersuatitsivoq
Airbus Norsap ippassaq Københavnimut utiinnarnerata kingunerisaanik ullumi marlunngornermi timmisartorsuit marluk Kangerlussuartinneqarput. Airbus-ilu Norsaq ippassaq ilaasussaagaluit ilaasoralugit pilersaarutit malillugit Kangerlussuarmiit aallassaaq, Boeing Kunuunnguarlu unnugu nal. Arfinge pingasunut tanneq sisamat aallassaaq.
Nuup eqqaani anorlingaatsiarnissaa silasiortunit ilimasaarutaareermat Nuummiit Nuummullu timmisartuussinissat taamaatinneqarput, taamaakkaluartoq Air Greenlandip naatsorsuutigaa neriuutigalugu ullup ilaani Nuummiit Københavniliartussat Kangerlussuarmut anngussinnaassallugit.
Nuummiit ullumi Narsarsualiarnissaagaluaq aqagumut kinguartinneqarpoq, aqagulu Kulusuliartussaangaluaq aamma sisamanngornermut kinguartinneqarluni.
Ilulissaniit, Aasianniit Qaarsuniillu timmisartuussinerit ingerlanneqarput, Kangerlussuarmiillu Sisimiuliarnissaq aamma ingerlanniarneqarluni. Kisiannili Sisimiuni mittarfiup quasappallaarnera pillugu Mittarfeqarfiilu atortunik amigaateqarnerata kingunerisaanik Sisimiuliarnissaq taamaatinneqarataannaasoq Air Greenland ilisimatitsivoq.
