Silamiut isiginnaangassiaat "Aliortukkat" soqutigineqarluarpoq
Isiginnaartitsisartoqatigiit Silamiut nalliuttorsiornerminnut atatillugu isiginnaagassiaat "Aliortukkat" ersinartulersaarutaasoq, soqutigineqarluinnarpoq.
Allattoq Lotte Holm
apriilip 06-at 2009 07:27
Katuap inersuaaraani isiginnaartitsinissanut bilitsit ullualunnguit ingerlaneranni tamakkerlugit tunineqarput.
Taamaattumik Silamiut aalajangersimapput immikkut ittumik marloriarlutik isiginnaartitseqqinniarlutik, tassa aqagu pingasunngorpallu.
Silamiut ukiunik 25-nngortorsiornertik nalliussiniarlugu Holbergip quiasaarusiaa “Jappa qaqqarmiu” kalaalinngorsarlugu isiginnaartitsissutigerusukkaluarpaat, tapersersorneqannginnertilli pissutigalugu taamaatiinnartariaqarlugu. Tamatumunnga taarsiullugu aliortukkat allallu pisimasut nassuiaatissaqanngitsut pillugit isiginnaartitsipput, isiginnaartartullu tamanna ilassilluarsimavaat.
