Silamik nalunaarut pitsaanerulissaaq
Kalaallit, savalimmiormiullumi, illoqarfinni najugaqarfigisaminni silamik nalunaarutinik paasiniaasarnissaminnut tusarnaarnissaminnulluunniit qilanaarnerusinnaanngorput. Danmarkimi silasiorfik, DMI, nalunaarpoq, silamik nalunaarutit peqqissaarnerusumik, suut tamaasa ilanngullugit, suliarineqartalissasut.
Kalaallit Nunaanni illoqarfinnut tamanut silassaq Danmarkimi illoqarfinnut silamik nalunaaruteqartarnertupajaaq ingerlanneqartalissaaq.
Assersuuteqariarta: Maniitsumi silap qanoq innissaa paasiniarniaraanni, ulloq unnuarlu tulliuttoq kisiat pinnagu, ullunut tulliuttunut qulingiluanut silap qanoq innissaa aamma paasisaqarfigineqarsinnaassaaq, tassalu taanna nutaartaa.
Illoqarfinnut 34-nut silassaq maanna suliarineqartarpoq, illoqarfinnulli 45-nut suliarineqartalissalluni.
- Illoqarfinni silap qanoq innissaanik kalaallit taamaalillutik sukumiinerusumik pitsaanerusumillu paasisaqarsinnaalissapput, unali ilisimassallugu aamma pisariaqarpoq, silasiortut sinerissap avataani sumiiffinnut assigiinngitsunut silamik ilimasaarutaanniit Illoqarfinni silassaq allaanerussuteqarsinnaassammat, suliniuteqartut ilaat, Gorm Dybkjær oqarpoq.
