Silaannaq pillugu nutaamik isumaqatigiissusiornissaq piviusunngulerunarpoq

Silaannaap allanngoriartornera pillugu nunat hornorujungajaat ippassaq oqallipput. Silaannaap kissatsikkiartornerata annikillisarneqarnissaa tamanit kissaatigineqarpoq, tamannalu pillugu tuaviornerpaamik isumaqatigiissusiortoqarnissaa tapersersorluarneqarluni. Panernersuaqarnera, qarsutsineqartarnera kiarujussuarneralu nunarpassuarnit minnerunngitsumik ernummatigineqarpoq.

-Kisiannili – isumaqatigiissusiornissaq siuariartutut isikkoqaleraluartoq – piviusunngornissaanut ukiut arlallit immaqa suli utaqqisariaqassaagut, isumaqatigiinniarnerillu imaannaanngitsut ingerlateqqaartariaqassavagut, Ataatsimeersuarnermi siulittaasoq, Sheikha Haya Rashed Al Khalifa, ataatsimeersuarneq naammassisorlu oqarpoq.

Silaannaap allanngoriartornera pillugu Naalagaaffiit Peqatigiit decembarimi tulliani ataatsimeersuassapput, ataatsimiinneq Indonesiami qeqertami Balimi pissalluni.

Kyotomut isumaqatigiissutip siullerpaamik nutaamik taarserneqarnissaa ataatsimeersuarnermi tassani

anguniarneqassaaq.