Silaannaq pillugu isumassarsioqatigiittoqassaaq
Silap allanngoriartornera nunatsinnut malunniukkiartuinnaraluartoq Namminersorullutik Oqartussat silap allanngoriartorneranut tunngasunik immikkut politikkeqanngillat, iliuuseqartoqarniarporli. Silap allanngoriartuinnarnera aallaavigalugu nunatsinni pisortat susassaqartullu assigiinngitsut, Avatangiisinut Pisortaqarfik aaqqissuisoralugu oktobarimi isumassarsioqatigiissinneqartussanngorput. Avatangiisinut Naalakkersuisoq Arkalo Abelsen siullermik aperaarput sooq silap kissakkiartornera pillugu Naalakkersuisut immikkut politikkeqannginnersut, imalu akivoq:
-Tassaana taanna tunngavissioniarlugu silittumik suliniut aallarnisaripput siunissamut naleqqussarnissaq eqqarsaatigalugu.
Peqataasussat qinikkat pisortat kattufiit suliniaqatigiiffiillu politikkimut attuumassuteqanngitsut saqqumiussaqassapput, saqqummiussassaat suliaannut aammali silaannaap allanngoriartornerata imminnut sunniutai qulaajassavaat. Soorlu piniarnermik sammisaqartut, sanaartornermik allanillu sammisaqartut saqqummiussissapput.
Isumassarsioqatigiinnermi pissarsiat katersorneqassapput Arkalo Abelsenillu neriuutiginerarpaa, ataatsimoortumik naleqqussarnissamut tunngavissiiumaartut.
Silaannaq pillugu isumassarsioqatigiinnissaq Nuummi ingerlanneqassaaq, illumi sumerpiarli ingerlanneqarnissaa kingusinnerusukkut nalunaarutigineqassaaq.
