Silaannakkut angallavissaq isumaqatigiinngissutaasoq
Nunat atlantikup avannaamiut qulaanni silaannakkut angallavissaq Europamiut ataatsimoorussamik silaannakkut angallaviannut akulerutsinneqassanngilaq. Silaannakkut angallannermut aqutsisoqarfiup EU-Kommissionimut, Europap qulaani silaannakkut angallannerup annertusigaluttuinnartup annikillisinniarneqarnissaa siunertaralugu Europap qulaani silaannaq pillugu peqqussummik maanna nutarteraluni suliaqartumut, akissutaa taama oqaasertaqarpoq.
![](/sites/default/files/styles/image_934x467/public/article_images/luftrum.jpg?itok=squoi4Fc)
Allattoq Martine Lind Krebs, Simon Uldum
Tassungalu atatillugu peqqussummi allassimagaluarpoq peqqussut aamma Nunat atlantikup avataaniittut silaannakkut angallaviannut atuutissasoq. Kalaallit Nunaatali Savalimmiullu EU-mut ilaasortaanngimmata, danskit naalakkersuisuisa itigartippaat.
Siunnersuut Silaannakkut angallannermut aqutsisoqarfiup tungaanit paasiuminaatsinneqarpoq.
- Kalaallit Nunaatami EU-mut ilaaniarnani aalajangiunnikuuaa. Taamaammat peqqussut una - EU-mut tunngasut allat assngalugit - Kalaallit Nunaannut Savalimmiunullu atuutissanngilaq, pisortaanerup tullia Keld Ludvigsen oqarpoq.
Europami silaannakkut angallannerup iluani suleqatigiinneq nukittorsarniarlugu Europamiut ataatsimoorussamik silaannakkut angallaviat 2004-mi suleqatigiissutigineqalerpoq.