Silaannakkut angallanneq isumannaallissarpaat
Henrik Dam Kristensen nunatsinni inunnik assigiinngitsunik oqaloqateqartarpoq ulluinnarni silaannakkut angallannermut attuumassuteqartunik. Ilaatigut upalungaarsimaneq SAR qimerloorpaa aammalu silaannakkut angallannermi isumannaallisaanermut isumaqatigiissut atsiorlugu.
- Silaannakkut angallanermi isumannaallisaaneq tamatta soqutigisaraarput isumaqatigiissummilu tamanna pitsanngoriartinniarsimavarput. Tassami Danmarkimi Transportstyrelsen Kalalallit Nunaanni silaannakkut angallanermut akisussaavoq. Sivisuumik Kalaallit Nunaat aamma Danmark suleqatigiissimapput maannalu tamanna naqissuserlugu silaannarmi angallanermut isumaqatigiissusiorpugut, Henrik Dam Kristensen oqarpoq arfininngornermi Ilulissaniit Nuummut timmisartupilooreerluni.
Nunatsinni illoqarfinniit illoqarfinnut angallanermi imaatigut silaannakkullu angallattarpugut. Taamaammat angalariaatsit taakku marluk isumannaatsuunissaat pingaartorujussuuvoq. Nunarput nunat tamalaat akornanni angallannikkut immikkut inissisimavoq.
- Isumaqatigiissutigaarput Kalaallit Nunaanni angalasut inuiaqatigiillu silaannakkut angallanermi isumannaallisaavigineqarnerisa pitsaanerpaanissaa. Naalakkersuisorlu isumaqatigiissut atsiugarput iluarisimarparput, Henrik Dam Kristensen oqarpoq.
