Silaannaap ujararujussuata nakkarnera Sermersuarmi qillerinikkut nutaanik paasisaqarfigineqarpoq
Silaannaap ujararujussuata nakkarnerata sermersuaqarnera kingulleq ukiunik 1300-nik sivitsortissimavaa. Amerikami Havardimi ilisimatuut atuagassiami PNAS-imi taama oqarput.
Allattoq Martine Lind Krebs, Simon Uldum
aggustip 05-at 2013 06:03
Qanoq pisoqarsimaneranik ujarassiuut akornanni oqallisigineqartartoq Kalaallit Nunaata sermersuani qilleraluni misissuinikkut uppernarsarneqarpoq.
Sermimik qillerinermi ikiariikkuutaartut ukiunik 12.900-nik pisoqaassusilinni ilisimatuut platinip 100-riaatinngorsimaneranik paasisaqarsimapput, tamannalu silaannaap ujaraata sakkortuumik nakkarsimaneranut takussutissaavoq. Piffissap taamaalinerani sermeq nungukkiartulersimagaluarpoq, tassanngaannarli silaannaq nillerteqqissimalluni.
Uumasut miluumasut angisuut arlallit, tassunga ilanngullugit kiliffaat, piffissami tassani tammarsimanerannut nassuiaataasinnaavoq. Piffissami tassanerpiaq aamma amerikami avannarlermi inuiaat ujaraannarnik sakkoqartut, clovisit, tammarput.
