Silaannaap ujarai pillugit oqalugiartoq tusarnaariaruk

Iluatsitsilluni ujaqqanik nunarsuatsinneersuunngitsunik pinngortitami nassaartoqarsinnaavoq. Statens Naturhistoriske Museumimi pisortap Henning Haackip Ilimmarfimmi inersuarmi atuartitsivimmi anginermi sisamanngorpat nal. 19.30 tamanna oqalugiaatigilerpagu tusarnaariartut tamanna paasisaqarfiginerusinnaavaat.
januaarip 02-at 2013 10:27

Henning Haack Københavnimi Statens Naturhistoriske Museumimi silaannaap ujaraanik katersugaatinut ulluinnarni akisussaasutut sulisuuvoq, ilaatigullu silaannaap ujaraata samivinertallip ukiut 5000-it matuma siorna Thulep eqqaanut nakkartup tusaamasap sinnikuinik ujarleriartorluni Nunatsinniissimalluni.

Henning Haackip oqalugiarnermini ujaqqat qaqutigoortut immikkuullarissullu qanoq ililluni nassaarineqarsinnaanersut, seqineqarfittalu ukiut 4500 millionit matuma siornatigut pilernerata oqaluttuassartaanik pissarsiffigineqarsinnaanerat oqaluttuarissavaa.

Aaqqissuussineq tamanut ammasuuvoq. Oqalugiareernerup kingorna tiimik, kaffimik kaaginillu sassaalliisoqassaaq oqallittoqarlunilu