14-inik ukiulik, Gerrit Blank, Tyslandimi iiloqarfimmi najugaqarfigisamini Essenimi atuariartortilluni "arsamik qaamasorujussuarmik" qilaap nalaanit tungaannarminut ingerlasumik takusaqariataarpoq.
Arsaasorisaa tassaasimavoq ullorissap anaa, eertatut angitigisoq. Aviisip The Daily Telegraphip allaaserisaa naapertorlugu ullorissap anaata taassuma nalunaaquttap akunneranut 50 kilometerit missaannik sukkassuseqarluni Gerrit Blank assaatigut eqqoriarlugu kinguninngua nunamut nakkarami nuna 30 centimeterit missaannik putusimavaa.
- Arsaq aamaartorlusooq siullermik takuvara, assakkullu tassanngaannaq qasilleerujussuarpunga. Kinguninngua qanngorpallassuarmik tusarpunga, soorlu tassa kalleq seqqorpallattoq, 14-inik ukiulik, Gerrit Blank, aviisimut The Daily Telegraphimut oqaluttuarpoq.
Ullorissap anaa mikisunnguaq taanna ilisimatuunit maanna misissorneqarpoq, paasineqareerporli ilumut silaannarmiit nakkartuusoq.