Silaannaap mingutsinneqarnera iliuutsillu

Silaannaap allanngoriartorneranut mingutsinneqartarneranullu atatillugu Canadami Montreal-mi ataatsimeersuarneq ingerlanneqarpoq, silaannaallu mingutsinneqarneranut atatillugu Kyoto-mi isumaqatigiissutaasimasup sukkanerusumik malinneqalernissaa EU kommissionimit neriorsuutigineqarpoq.

Kyoto-mi isumaqatigiissutip ukiunik marlunnik sioqqutsilluni malinneqalerrnissaaa siuniunneqarpoq. Silaannaap gasimik ulorianartumik mingutsinneqarnera 2010 nallertinnagu annikillisarneqalissasoq EU- kommisionimit neriorsuutigineqarpoq.

Silaannaap mingutsinneqannginnerunissaa anguniarlugu ataatsimeersuarnermi siunniunneqarpoq, silaannarmik mingutsitsinerup millisarneqarnissaa ukioq 2012-i nallertinnagu isumaqatigiissut inissinniarneqassasoq.

Kalaallit nunaanniit peqataasut arlaqarput, ilaatigut ICC-p siulittaasua Aqqaluk Lynge, aammalu ICC sinnerlugu peqataasut allat tassaapput Lene Kielsen Holm, Carl Christian Olsen-lu. KNAPK sinnerlugu peqataavoq Niels Andersen KNAPK.