Silaannaap kissakkiartornerata sunniutissaanik misissuineq

Issittumi silaannaap kissakkiartornerata ilaatigut  kingunerissavaa nunap qeriuaannartup aannera. Silaannaap kissakkiartorneranit, illuliat nunami qeriuaannartumi toqqavillit qanoq sunnerneqassanersut, Kalaallit Nunaanni ASIAQ/ Misissueqqaarnerni, ilisimatuup Jens Nykjær Larsenip misissuiffigileruttorpai. Misissuineq aatsaat aallartikkaluartoq aqqusinernut mittarfinnullu ajornartorsiutaalernissaa  eqqoriarsinnaalereerpaa:

- Maniitsumit ullumikkut avannamut nuna qeriuaannartuuvoq. Nuna qeriuaannartoq ajunngitsumik sanaartorfigineqaruni ajornartorsiutaanngilaq. Nunali qeriuaannartoq aappat nunami qeriuaannartumi sananeqarsimasut soorlu: aqquserngit, kuuffiit, aqqusinerni qullersuit ajornartorsiutaalersinnaapput, taamalu mittarfiit, ajoquserneqartut nuna qeriuaannartoq aappat toqqaviisa nammassinnaajunnaassallugit. Jens Nykjær Larsen oqarpoq.

Nuna qeriuaannartoq aappat Kalaallit Nunaannut ajornartorsiutaalersussat aaqqiissutissaannik ujartuiniarlutik, silasiorfik DMI, DTU-lu tassa Danmarks Tekniske Universitet, ASIAp suleqatigai. Ilisimatuulli misissuinissaminnut piffissaqarluarput, silaannaammi allannngornissaa ukiut 100-t arlallit qaangiuppata pissangatinneqarpoq:

- Aallaqqaammut uippallerneq pisariaqanngilaq. Nalunngilarput qerititsivimmit qaqitsigaangatta piffissangaatsiaq atorlugu aatsitsiniartarluta.

Assersuutigalugu Sisimiuni nuna qeriuaannartoq, 30 meterit angullugit issussuseqarpoq, aannissaalu ukiut 50-it 200-llu akornanni qaangiuppata pisinnaassangatinneqarpoq. ASIAQ-mi ilisimatooq Jens Nykjær Larsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat