Silaannaap kissakkiartornera nukissiuutinut iluaqutaavoq

Silaannaap allanngoriartornera pisutut malunnaatilittut isiginiarneqarnerusarpoq. Silaannaalli kissakkiartornera aamma iluaqutissartaqarsinnaavoq. Assersuutigalugu nukissiuuteqarnerup ataavartumik ineriartorneranut Avannaani iluaqutaasinnaalluarpoq. Nalunaarummi, Nukissiuutit pillugit Nunani Avannarlerni ilisimatusartut aningaasaliiffigisimasaanni, tamanna paasinarsivoq. Assersuutigalugu ukiukkut kiannerusalernera erngup nukinga atorlugu nukissiuutinut iluaqutaavoq. Immap sarfarnera ukioq tamaat assigiinnerulersimasoq nalunaarummi tikkuarneqarpoq. Silaannaap kissatsinnerunerata ikummatissanik, biobrændselinik, sanaartorneq aamma sunnertussaavaa. Nalunaarut naapertorlugu orpippassuit sukkanerusumik amerliartornerulissapput.

Silaannaalli allanngoriartornera anorimik nukissiuutinut annikitsuinnarmik sunniuteqassaaq, seqerngulli nukinga atorlugu nukissiuutinut sunniuteqassanersoq nalunartorujussuuvoq, qanoq qulisimatigisarnera tamatumani apeqqutaassalluni.

Nalunaarusiami siunertarineqarpoq, silaannaap allanngornera Avannaani nukissiuuteqarnerup ataavartumik ineriartorneranut qanoq sunniuteqassanersoq misissussallugu.

Silaannaap kissatsikkiartornera nukimmik atuinermut ilutigalugu aamma sunniuteqassaaq, pingaartumik nukimmik atuineq, kissarnermut tunngasoq, annikillissasoq nalunaarummi paasinarsivoq.