Silaannaap kissakkiartornera Iqaluillu

apriilip 25-at 2005 05:57

Silaannaap kissakkiartornerata inuiassuarnit annertunerusumik paasisaqarfigineqarnissaa siunertaralugu filmiliaritittartut tusaamasat Salma Hayek aamma Jake Gyllenhaal eqqumiitsuliornermik suliniutillit Nunavumi Iqalunni tallimanngormat takutitsineranni peqataapput.

Inuit 700-t ileqqutik malillugit atikkersorsimasut aamma USA-mi tusaamasat, niuernermik suliallit qinikkallu takutitsisuupput.

Takutitsinermi qilaatersortoqarpoq, qilaatersortoqarneranilu oqaatsit tuluttut uteqataarneqarput ima isumallit, Issittoq aamma mianersoqqussut kiisalu inuktitut tusarnaarit oqaatigineqaqattaartarlutik.

- Siku inuillu ilikkagaqarfigerusullugit maannarpunga. filmiliaritittartoq Salma Hayek kingornatigut apersorneqarluni oqarpoq.

Assilisat nunani tamalaani saqqummersinneqassapput.