Silaannaap kiatsikkiartornera

Silaannaap allanngoriartornera pillugu aasaq manna Ilulissani ataatsimiissimaneq malunniuteqalerpoq.

Sapaatit akunneri tulliuttut arlaqartut silaannaq pillugu Canada-mi isumasioqatigiittoqalerpoq.

Silaannaap allanngoriartornera pillugu Ilulissani ataatsimiittoqarmat, nunani assigiinngitsunit ministerit peqataapput, ilaatigut USA, EU, Canada, Kina, Brasilien, Mexico, Amerikalu kujalliup ministerii oqallinnermi peqataatitaqarput.

Sermersuaq aakkiartupallattoq ungaasinnagu ataatsimiinneq ingerlanneqarpoq, silaannallu kiatsikkiartorneranik, sermersuup sikuiuitsullu aakkiartuinnarnerat ingerlaannassappat, nunat tamalaat aamma eqqornerlugaasinnaaneri aasaq manna ataatsimiinnermi maluginiaqquneqarpoq.

Nunarsuup sinneranut naleqqiulklugu, sikuiuitsut nalaanni silaannap kiatsikkiartornera marloriaammik sukkanerusumik ingerlavoq.

Silaannap kiatsikkiartornera pillugu FN-ip Canada-mi ataatsimiisitsinerani, Danskit avatangiisit pillugit ministeriat Connie Hedegaard peqataassaaq.