Silaannaap allanngornera Ruslandimiut malugaat

Silaannaap allanngornera Ruslandip avannaarsuani Chukotkami naggueqatitsinnit aamma malugineqarpoq. Novoye Chaplino-mi piniartoq ICC-p ataatsimeersuarneranut peqataasoq Anatolij Ankatagin oqaluttuarpoq nunatsinni pisut pillugit saqqummiunneqartunut assut ilisarsisimalluni:

- Silaannaap allanngoriartornera nunatsinni aamma malugivarput, ukiukkut siornagut sikkorittarsimagaluarpoq massakkulli sikkorluttalerpoq, upernaakkullu sikuiaartaleqaluni. Aasaaneranilu sikorsuit assut avannarpasinnerusumiittarput, Anatolij Ankatagin oqarpoq.

Chukotkami nunaqafiup New Chaplinop eqqaaniittoq nunaqarfitoqarsuusimasoq, Kiuak maanna immap iluaniippoq, imaq qaffakkaluttuinnarmat. Silaannaap allanngornera New Chaplinomi piniarnermut kingunerluttoq Anatolij Ankatagin oqarpoq.

- Piniarniarneq eqqugaanerluppoq aammali nunaqarfimmiut piginneqatigiillutik suliffeqarfiutaat allanngornerit pissutigalugit aningaasarliulerluni matuinnarnikuuvoq, uagullu innuttaasugut inuuniarnerput taamaalilluni annertuumik eqqugaavoq, Anatolij Ankatagin oqarpoq.

Silaannaap allanngorneranit issittup eqqugaanera pillugu paasissutissanut Anatolij Ankatagin malinnaalluarnerarpoq, ICC-llu ataatsimeersuarnerani paasissutissat tunniunneqartut assut iluarisimaarnerarpai. Taamaattorli ilumut silaannaq allanngoriartuinnassanersoq upperiuminaatsippaa.

- Qanittukkut takuara ilisimatooq TV-kkut aallakaatissiami oqartoq; silaannarooq allanngoriartoriarluni qangatut aamma iliartoqqissasoq, allallu oqarput allanngoriartuinnassasoq, taamaattumik apeqqutinngorpoq kina upperissaneripput.

Piniartoq Chukotkami Novoye Chaplino-meersoq 58-inillu ukiulik Anatolij Ankatagin, ICC-p Utqiagvikmi ataatsimeersuarnerani peqataavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat