Silaannaap allanngoriartornera uppernarseqqinneqarpoq

Silaannap kissassusia kisiat uuttortaannarnagu immalli kissassusiata uuttortarneqartarnerata takutippaa nunarsuatta silaannaa kissatikkiartortoq.

Sumiiffinni assigiinngitsuni immap kissasusiata uuttortarnerani issittumilu sikup milliartornerata takutippaa silaannarput kissatsikkiartuinnalersoq.

Nunarsuatsinni inuit pisuupput, silalu allanngussaqqaarpoq, amerikamiut silaannaap pissuserisartagaanik ilisimasallit Washingtonimi ullumi katersuunnerminni oqaaseqaateqarput.

Silaannaap kissassusiisa takussutissartai kisimik uppernarsaatigineqarsinnaanngitsut, amerikami ilisimatuut naliliipput.

Silaannaap kissatsikkiartorneranik oqallinneq tamaanga killeqartariaqartoq amerikami ilisimatuut isumaqarput, qanorli iliortoqassanersoq apeqqutigineqaannartariaqalersoq ilisimatuut naliliipput.

Ilisimatuut ilaata nalilerpaa nunatta sermersua tarajoqanngitsoq aappat nunarsuarmi immap meterinik arfineq-marlunnik qaffassasoq, erseqqissaatigalu sermersuaq aattulereersoq.

Immap sarfaa imiinnarmik akuneqarnermigut allanngoriartulernerarneqarpoq.

Miamimi ilisimatusarfimmi ilisimartusartoq oqarpoq issittumi sikup milliartuinnarnerata takutikkaa immami uumasuaqqat uumasunit anginernit inerikkiartornerminni atorfissaqartitaat tammariartulersimasut.

Sermersuup aakkiartuinnarnerata aamma takutippaa aarrit, nannut puisillu issittumi inissaaruttut.

Uumasullu allat ingammik timmissat amerlasoorsuanngorlutik toqorartalerput nunarsuatta silaanna allanngoriartuinnarmat.