Silaannaap allanngoriartornera pillugu nittartagaq atorunnaarpoq
Canadami naalakkersuisut silaannap allanngoriartornera pillugu nittartagartik nalunaaruteqaqqaaratik atorunnarsissimavaat. Silaannaap allanngorartarnerata oqallisigineqarnerani oqaatsip ”Kyoto”-p peerneqarnissaa tamatumunnga tunngaviusoq naalakkersuinermi suliaqartut nalunaarput.
Canadami innuttaasut paatsiveerusimaarput. Kiarujussuarnerata nalaani kaassaarsuillu aarlerisaarutigineqaleruttorfiini, silaannaallu allanngoriartornerata oqallisigineqaleruttornerani, Canadami naalakkersuisut qanganisarsiortut nipaarullutik suliaqarput. Naalakkersuisut nittartagaanni avammullu saqqummiunneqartartuni allani oqaaseq ’Kyoto’ piiarneqarpoq.
- Canadami avatangiisinut ministereqarfiup silaannaap allanngoriartornera pillugu nittartakkani juunip 30-anili atorunnaarsippaa, danskit nutaarsiassaqartitsiviat Dansk Energi allappoq.
Canadami naalakkersuisut silaannaap allanngoriartornera pillugu nittartagaat misilikkaanni atorneqarsinnaanngitsoq kalerriisoqartarpoq.
- Naalakkersuisutta mingutsitsineq eqqartorsinnaallugu gassit silaannaallu allanngoriartorneri eqqartorusunngilaat, inatsisartuni ilaasortat ilaat marluk oqarput.
Canadami kuldioxidimik aniatitsineq Kyotomi isumaqatigiissut naapertorlugu 2008-miit 2012-p tungaanut 6 procentimik appartinneqassasoq, naammassisinnaanagu Canadami naalakkersuisut nassuerutigeereerpaat.
Anguniagaq uniorlugu maanna pisoqarpoq; Canadami gassinik aniatitsineq 24 procentimik qaffariarpoq.
Ministeriuneq Stephen Harper ikinnerussuteqarlutik januaarimi naalakkersuisunngortunut siuttuulerami oqarpoq, Kyotomi isumaqatigiissutip immikkoortuata siulliup naammassinerani 2012-imi suleqataanissaminut piumaffigineruniarluni.
Naalagaaffiit Peqatigiit silaannaap allanngoriartornera pillugu decembarimi ataatsimeersuarmata, Canadami naalakkersuisuusimasut aaqqissuisuupput. Taamanikkullu canadamiut nukissiuutit kuldioxidillu atorunnaariartorneqarnissaanik piumasaqarput, affarlertik USA paarlattuanik piumasaqartoq.
Canadami inuit Quebecip avannaani najugallit silaannalersuutit atulersinneqarnissaat ujartortaleraat
Kuujjuarmilu juulip naanerani 31-inik kiattoq nutaarsiassaqartitsiviup Ritzauip tusarliuppaa.
