Silaannaap aallanngoriartornera eqqartorniarpaat

Nalaagaaffeqatigiinni naalakkersuisut siulittaasui kingullermik ataatsimiinnerannit siulittaasut tamarmik taarserneqarput, taamaattumik Danmarkip statsministeriata Lars Løkke Rasmussenip Savalimmiuni naalakkersuisut siulittaasuat lagmand Kej Leo Johannesen, Sambandsflokkurin, aamma Kalaallit Nunaanni naalakkersuisuit siulittaasuat Kuupik Kleist siullermeerlutik ataatsimeeqatigiissapput.

Naalagaaffeqatigiit ukiumoortumik ataatsimiinnerat ukioq manna Nuummi pissaaq Namminersornerup eqqunneqarnerata aqaguani. Naalakkersuisut siulittaasuat Kuupik Kleist Sermitsiamut oqarpoq, silap pissuusaa pillugu nunarsuaq tamakkerlugu isumaqatigiinniarnissamut Kyotomi isumaqatigiissummut taartaasussamut kalaallit isumaat, unammilligassaallu allat pillugit saqqummiussiniarluni.

Naalagaaffeqatigiit ataatsimeereerpata naalakkersuisut siulittaasuata naalakkersuisunut siulittaasooqatini qulimiguulimmik Utoqqarmiut Kangerluarsunnguani nukissiorfimmut ingerlaqatigissavai, tassani namminneq takuniassammassuk Nunatsinni erngup nukinganik nukissiorfik qanoq isikkoqarnersoq.