Namminersornerullutik oqartussat isumaqarput, silap allanngoriartorneranut atatillugu, iliuusissaasinnaasunik Kalaallit Nunaat pilersaaruteqariaqartoq.
Alloriarnerlu siulleq tassaavoq oktoberip qaammataani sila pillugu isumasioqatigiinnissaq.
- Iliuuseqarnata sikup aakkiartorneranik takornariat isigiinnaaginnassanngikkigut, Naalakkersuisut siunertaraat. Silap kissakkiartornerata avatangiisinut innuttaasunullu sunniutissai tamanut eqquisussaavoq,
Naalakkersuisut paasissutissiisartui tusagassiutinut nalunaarummi taama allapput.
Isumasioqatigiinnisssaq oktobarip 23-ani aallartittussaq, ilaatigut Pinngortitaleriffimmitm Nukissiorfimmit aamalu aalisarnermut nunalerinermullut tunngassuteqartunik sulialinit peqataaffigineqassaaq. Aamma ICC isumasioqatigiinnermi peqataassaaq.