New Yorkimi FN-ip illorsuani pingaartorsiorlutik ullumi nereqatigiinnialeqaat, tassanilu nunanit tamalaaneersut naalakkersuisut siullittaasui naalagaaffiillu qullersaat 40-t, statsministerit sinniisui qulingiluat kiisalu ministerit 70-it sila pillugu eqqartuissapput.
Qallunaat statsministeriat Anders Fogh Rasmussen naapeqatigiinnermut, Polenip Indonesiallu præsidentii kiisalu Kenyap avatagiisinut ministeriat suleqatigalugit, qaaqqusisuuvoq.
Foghip isumaa naapertorlugu New York-imi FN-ip illorsuanut qaaqqusineq piareersarneruvoq.
Tassami Københavnimi nunat assigiinngitsut akornganni sila pillugu 2009-mi ataatsimiittoqassaaq. Taamanikkussamullu Kyotomi isumaqatigiissutaasimasut taartigisinnaasaanik isumaqatigiinniartoqassalluni