Sila pillugu ilisimatusarfik Ilulissanut

Silap pissusaanut ilisimatusarfissaq pingortitaleriffimmiissasoq danskit ilisimatusarnermut ministeriata, Helge Sander-ip, siunnersuutiginikuuaa, tassani ilisimatooqareermat.

Kisianni Ilulissat kommunalbestyrelseat pilersaaruteqareertoq, Anthon Frederiksen oqarpoq:

- Ilulissat Kangerluata malinnaaffiginissaani, Ilulissat Isfjordscenterimik taallugu kommuni pilersaaruteqareerpoq. Tassa Ilulissat Kangerluat Nunarsuarmi sermeqarfiusuni sermimik aniatitsiviusut annerpaartaraat, aammalu ukiuni kingullerni malunnaarluartumik nunarsuarmioqatitsinnillu allaniit malugineqaleraluttuinnartumik allanngoriartorpoq, Anthon Frederiksen oqarpoq.

Kisianni Silap pissusaanik ilisimatusarfissap Pinngortitaleriffimmiinnissaanik Ilisimatusarnermut ministerip, Helge Sanderip, siunnersuuteqarnermini tungavigaa, tassani ilisimatusartoqareermat?

- Taannarpiaq pillugu ilisimatusarnermut naalakkersuisoq, Tommy Marø, oqaloqatigaara erseqqissaatigalugu, pinngortitap allanngoriartornerani malinnaavissaq qaninnerpaaq ersarinnerpaarlu Ilulissat Kangerluaniimmat, Anthon Frederiksen tunngavilersuivoq.

Nunatsinni ilisimatusarnermut naalakkersuisoq Tommy Marø, maanna angalasoq, ulloqqata tungaanut oqaaseqartissinnaasimanngilarput.