Sila pillugu ataatsimiinnissaq kinguartinneqarpoq
Connie Hedegaardip sila pillugu Ilulissani naapisimaartitsiniarnera silamik eqqugaalluni kinguartinneqarpoq. Napisimaartitsineq ataatsinut ammartussaagaluarluni ualeru sisamanut pisussanngorlugu kinguartinneqarpoq.
Allattoq Else Løvstrøm
juunip 30-at 2009 10:03
Naalakkersuisut siulittaasuata Kuupik Kleistip Connie Hedegaardimik ataatsimeeqateqarnissaa taamaasilluni eqqugaavoq,
Nuummi silap ajornera pissutaalluni Kuupik Kleistip ullumi Nuummiit aallarnissaa qularnarpoq, taamaammallu ullaaq manna Kuupik Kleistip Connie Hedegaardillu ataatsimiinnissaraluat piffissamut allamut inissinniarneqassasoq, Connie Hedegaardip allattaa radioaviisimut oqarpoq.
Ministerit arlallit nunanit allaneersut suli Kangerlussuarmeerrapput, taamaammallu ataatsimiinnissaq massakkuugallartoq ualeru sisamanut ammartussatut inissikkallarneqarnikuuvoq.
