Sila kissakkiartornani nillertikkiartussasorineqarpoq
Silaannaap allanngoriartornera eqqaaneqaraangat kissatsikkiartornera sungiukkaluarparput.
Kisianni paatsoorpugut. Russeq ilisimatusartup isumaa naapertussagaanni killormut pisoqassaaq, tassamigooq silaannaq nillertikkiartussagami. Nutaarsiassaqartitsivik Novosti taama tusarliussivoq.
Russit ilisimatusarnerisa ersersippaat, nunarsuarput ukiuni aggersuni nillerterujussuassasoq.
Silaannaap nillertikkiartornera ukiut tallimat missaat qaangiuppata aallartissaaq, 2000-p qiteqqunnerata missaani nillertinnerpaassalluni.
Ukiut 1600-t ingerlaneranni sermersuaqallatsiarnerata nalaa silaannaap nillerterujussuarnissaanut ilisimatusartut assersuuppaat. Taamanikkut isserujussuarnera qallunaatsiaat Kalaallit Nunatsinniit peerunnerannut pissutaasimassangatinneqarpoq.
Silaannaap nillertikkiartornissaa pissutigalugu Kyotomik isumaqatigiissutip taamaatiinnarneqarnissaa russit ilisimatusartut siunnersuutigaat.
