Sila kinguaattoortitsivoq

Naqitsiniisaffik naqitsinikitsuararsuaq Kalaallit Nunaata Kitaata kujasinnerusortaani sakkortuumik anorlertitsimmat Air Greenland ullumikkut eqqugaavoq.

Tamatuma kingunerisaanik Kalaalit Nunaanni timmisartuussinerit tamarmik taamaatiinnartariqarsimapput, taamatuttaaq timmisartorsuaq Kunuunnguaq Kangerlussuarmut missinnaannginnami Københavnimut utiinnartariaqarsimalluni, Danmarkimi Sakkutuut Imarsiortut Danmarkimi qullersaqarfiannit aqagu attartorneqarsimagami.

Norsaq Københavnimiit pilersaarutaareersutut aqagu marlunngornermi februaarip ulluisa arfernganni Kangerlussualiassaaq uterlugulu, taamatuttaaq nunatta iluani timmisartuussinerit ingerlanneqassallutik. Ilaasut Københavnimut ullumikkut utertariaqartut amerlanerit Norsamut aqagu ilaatinneqassapput.

Pingasunngorpat februaarip ulluisa arfineq-aappaanni immikkut timmisartuliinikkut Norsaq Københavnimiit Kangerlussualiartinneqassaaq uterlugulu, tassanilu ilaasut sinneruttut nassiussallu apuunneqarsinnaassasut Air Greenland nalunaarpoq.