Sila kiatsimmat annaassiniarnerit amerlipput
Avannaani annaassiniarnerit 15-it ujaasinerillu arfnneq marluk suliarineqarput.
Kujataani annaassiniarnerit tallimat ujaasinerillu tallimat siorna suliarineqarput.
Silap pissusaata allanngoriartornerneratigut avannaani sikusarnera kujataanilu sikorsuit ingerlaartarnerat allanngorput, tamatuma kingunerisaanik sumiffinni taakkunani imaani angalasunik annaassiniarnerit ujaasisarnerillu Kalaallit Nunaata sinneranut sanilliullugit amerleriartut politimestereqarfimmit saqqummiuneqarput.
Kisitsisit politiinit saqqummiuneqartut malillugit imaani nunamilu ujaasinerit siorna 25-it annaassiniarnerillu 41-it politiinit suliarineqarput, ajunaartut arfiniliullutik.
Vicepolitikommisær Poul Petersen oqarpoq ujaasinerit annaassiniarnerillu amerlasut, taakkualu akisoorujussuusut.
Politimestereqarfimmit kisitsit saqqummiunneqartut malillugit imaani ujaasinermi annaassiniarnermilu siorna 2011-imi 130.000 koruunit atorneqarsimasut, taakkunanngalu annaassiniarnermi sulisunut aningaasartuutit 37.000 koruuniusut.
Kalaallit Nunaata imartaani nunamilu annaassiniarnermi ujaasinermilu siorna katillugit 2.200.000 koruunit atorneqarput.
Ajunaartut siorna arfiniliusut politiit kisitsisaataanni takuneqarsinnaavoq.
Avannaani annaassiniarnerit 15-it ujaasinerillu arfineq marluk suliarineqarput.
Kujataani annaassiniarnerit tallimat ujaasinerillu tallimat siorna suliarineqarput.
Silap pissusaata allanngoriartornerneratigut avannaani sikusarnera kujataanilu sikorsuit ingerlaartarnerat allanngorput, tamatuma kingunerisaanik sumiffinni taakkunani imaani angalasunik annaassiniarnerit ujaasisarnerillu Kalaallit Nunaata sinneranut sanilliullugit amerleriartut politimestereqarfimmit saqqummiuneqarpoq.
Imaani angalatilluni sillimaniarnermut atortunik pisinissaq politiinit kaammatuutigineqarpoq. Sumiissusersiornermi atortut GPS, annanniutit ,VHF radiut, iputit, gummebådit, atallaat immami puttasinnaasut akisunngillat - inuup inuuneranut - ujaasinernut annaassiniarnermilu aningaasartuutinut sanilliullugit vicepolitikommisær Poul Petersen oqarpoq.
Annanniutit tamakku tamaasa pigigaanni ujaarineqartunut aammalu politiit sulinerannut oqilisaataassasut vicepolitikommisær Poul Petersen oqarpoq.
Politiit kisitsisaataat malillugit ukioq 2009-mit 2011-mut inuit imaani aamma nunami ajutoorlutik ajunaartut 46-put.