Sikuunera angallannermut eqquivoq
Kalaallit Nunaata qeqqani sikuunera pissutigalugu nunaqarfinnnut ilaasunik angallassinerit arlallit Royal Arctic Bygdeservicep taamaatiinnartariaqarpai.
marsip 03-at 2009 06:54
Minna Martek Maniitsumiit Kangaamiut aamma Itilleq aqqusaarlugit ullumikkut Sisimiunukarnissaralua taamaatiinnarneqarpoq.
Minna Martekip Sisimiuniit Sarfannguamut uterlugulu aqagu angalanissaralua aamma taamaatiinnarneqarpoq.
Maniitsumiit Atammik Napasorlu aqqusaarlugit Minna Martekip Nuummut tallimanngorpat aallarnissaralua aqagumut pingasunngornermut siuartinneqarpoq.
Royal Arctic Bygdeservice pilersaarutit malillugit nalinginnnaasumik qaqugu angalaqqilersinnaanersoq maannakkorpiaq nalunarallarpoq, kisianni sikoqarnera qanimut malinnaaffigineqartoq, Royal Arctic Bygdeservice nalunaarpoq.
