Sikutarujussuaq ajoqutaasinnaasoq

Sikutarujussuaq issukullassuaq umiarsuarnut uuliamullu assartuutinut ajoqutaalissasoralugu maanna canadamiut annilaanngatigileraat, aviisi National Post allaaserinnippoq.

Qaammatit 16-t matuma siorna Ellesmere Island-imi sikorujussuaq aserorsimavoq – taannalugooq 66 kvadratkilometerisut annertussuseqarpoq. Tassa 15 kilometerisut isorartutigaluni 5 kilometerisullu sanimut silissuseqarluni 37 meterinillu issussuseqarluni. Tassa siku annertungaarami allaat qeqertaasarsuartut oqaatigineqarsinnaalluni.

Isumaqartoqarpoq ukiut 30-t ingerlanerini Canadap issittortaani aatsaat taamak annertutigisumik sikutarujussuarmik aserortoqarsimasoq.

Aseroqqaarmat malugineqanngeqqaarsimavoq – nunamulli sajutitsinera sakkortungaarmat nuna sajussoralugu nuna sajutsillugu nalunaarsuisartunit nalunaarsorneqalersimavoq, kingornali qaammataasakkut assit najoqqutaralugit aatsaat paasineqarpoq siku aserorsimasoq.

Maannakkorpiaq sikutarsuaq taanna Ellesmere Islandip avannaaniittoq oqaatigineqarpoq.

Piffissalli ingerlanerani pinngitsoorani kaanngassasoq ilisimatuunit oqaatigineqarpoq.

Sikutarujussuarli qeqertaasatut angitigisorsuaq Beuafort Sea-p tungaanut tissukalerpat umiarsuarnut angalasunut akornutaarataannaavoq,

minnerunngitsumik uulianik gassinillu usisunut navianartorsiortitsisinnaalluni.