Sikup annikillinera gassit aniasut amerlissutigaat

Misissuinerni nutaani, ilaatigut Silap pissusianik ilisimatusarfeqarfimmi professorimit Torben R. Christensenimit suleqataanillu paasisat tamanna paasinarsisippaat, paasisallu ilisimatuussutsikkut atuagassiami tutsuigineqaqisumi "Nature Climate Change"-imi saqqummiunneqaqqammerput.

Issittup imaata sikuata milliartuinnavissup silaannarmi pissutsinut tigussaasumik kinguneqartitsinera, allaatigisami ilisimatuussutsikkut uppernarsarneqarpoq.

- Pissutsit taamaannerat sunniuteqarnerlorujussuarsinnaavoq, tassami nunarsuarmi inuit nukissiuutinik atuinerat peqqutaalluni gassit pilersinneqartartut annertussusiisa affaasa missaat nunami naasunit immamillu unitsinneqartarmata. Gassit silaannarmut aniatinneqartut annertussusiat allanngussappat, taava gassit nunarsuup silaannartaani katersuutiinnalersut annertussusiat allanngussappat, taava gassit silaannarsuarmi katersuutiinnalersut annertussusiat aamma allannguuteqassaaq, professor Torben R. Christensen oqarpoq.

Immap sikuata milliartornera peqqutaalluni iluarsiuminaatsumik pilersoqalersoq, ilisimatuut paasiniaanerminni paasivaat.

Immap sikuata seqernup qinngornera avataarsuanut nalinginnaasumik uterteqqittarpaa, sikuunikinnerusalerneratali qaamanerup taama utertinneqaqqittarnera minnerulersissavaa.

Silap pissusiata allanngoriartornerata Issittumut sunniutaanik ilisimatusartut paasisaqarusunnerannut misissuineq aallarniutaannaavoq.

- Immap sikuusarnerata milliartornera peqqutaalluni immap silaannaallu akornanni gassit nikerartarnerinut tunngassuteqartut ilisimasakiffigisorujussuuavut, professor Torben R. Christensen naggasiivoq.