Sikup aakkiartornera takusariaqarpaat

Silap pissusaa pillugu Københavnimi decembarimi ataatsimiittoqqarnissaa pillugu isumaqatigiinniarnerit arriitsumik ingerlapput.
Allattoq Mads Lynge
juunip 13-at 2009 17:55

Danmarkip silap pissusaa pillugu ministeri Connie Hedegaard ministerit nunanit allaneersut pingaarnerpaatut nalilerneqartut 30-t Kalaallit Nunaannut juunip naalernerani qaaqquai. DR2-mi ippassaq unnukkut aallakaatitami Clement Fredagimi taama oqarpoq.

- Qinikkat Kalaallit Nunaanni sikup aakkiartornera takugunikku iluaqutaasarpoq. Senatorit repuklikanerit USA-meersut silap pissusaata allanngoriartornerata sunniuteqaatai takugaangamikkit iliuuseqartoqartariaqartoq oqaatigisarpaat, Connie Hedegaard oqarpoq.

Silap pissusaa pillugu Tysklandimi Bonnimi ulluni aqqaneq-marlunni ataatsimiinneq ippassaq naammassineqarpoq, silallu pissusaata allanngoriartornerata sunniuteqaatai pillugit iliuuseqarniarnerit aarriippallaamik ingerlasut Connie Hedegaardip oqaatigaa:

- Københavnimi ataatsimiinnissaq qaammatit arfinillit qaangiuppata pissaaq, imaaliallaannarlugulu aaqqiisoqarsinnaanngilaq, nunallu assigiinngitsut naalakkersuisuisa utaqqisitsiinnarsinnaanngillat, Connie Hedegaard Clement Kjersgaardimut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq