Sikup aakkiartornera annertoqaaq

Issittumi immap sikuata aakkiartornera ukioq-manna kingumut ima annertutigaaq, Sikuiuitsup sikuata aakkiartornerata siaruariartornera ukioq-manna aatsaat taama annikitsigissalluni. Taama ilisimatitsipput Europamiut avataarsualiartitsisartui, ESA.
aggustip 28-at 2008 17:10

Qaammataasap avataangiisinik assiliisartup, Envisat-ip, assilisaani takuneqarsinnaavoq, sikup aakkiartornera siornamut naleqqiullugu ukioq-manna ima annertutigisoq, siorna rekordiusoq angungajalereerlugu. Issittumi sikup isorartussusaa massakkut ima annikitsigaaq, silaannarmiit alapernaarsuinerit ukiut 30-t matuma siorna aallartinneqarmatali, sikup aakkiartorneranik naatsorsuutit siorna 2007-imi annikinnerpaaffia ukioq-maanna tullililerneqalerunarluni.

Issittup Imartaani puttaarujussuit ukiut tamaasa pinngortarput. Aasap ingerlanerani siku Europatut annertutigisoq aattarpoq, aakkiartorneralu ukiuni kingullerni ima sukkatigilerpoq, Issittup 2040-mi sikuerunnissaanik siulittuutit maanna pisoqalereerunarlutik, NSIDC-p, Aput Sikulu pillugit Nalunaarsuiffimmi, taama allaaserinittoqarpoq.

Silap kissakkiartornera issittumi nunarsuup sinneranut sanilliullugu marloriaammik sukkaneruvoq. Sermersuarmi siku aattoq maanna ukiumut hornoruju kubikkilometeriusarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq