Sikunik aserorterutit
Canadamiut sikunik aserorterutinik sanatitsiniarnertik taamaatiinnarpaat.
Canadami inatsisartunut kingullermi qinersisoqalermat, naalakkersuisunngorlaat qineqqusaarnerminni, Canadap issittortaani annertunerusumik sakkutuulisartoqarnissaa qineqqusaarutigisimagaluarpaat.
Sikunilli aserorterutiliortitsinissaq Canadap illersornissamut ministeriata, John McCallumip, akisuallaartussatut nalilerpaa, oqarluni periarfissat allat ujartorneqaqqaartariaqartut, Canadap nutaarsiassaqartitsivissuat CBC taama allappoq.
Sikunik aserorterutit saniatigut Iqaluit umiarsualiviata allisarneqarnissaa pilersaarutaagaluarpoq, taamaalillunilu Nunavumi illoqarfiit pingaarnersaannut suliffissaqartitsilluartussaagaluarluni.
Silaannaap kissatsikkiartornerata malitsigisaanik, sikusarneralu annikilliartuaartillugu, Canada avannaqqullugu aqqut Nordvestpassage-mik taaneqartartup, annertunerusumik aqqutigineqalernera pissutigalugu, Canadap avannaani annertunerusumik sakkutuulisartoqalernissaa eqqarsaatersuutigineqartalersimavoq.
