Uummannap eqqaani sikumi golferluni nunarsuarmi pissartanngorniunnerit ippassaq naammassineqarput.
Unamminermi putut 18-it kingulliit silagissuarmi ikiseriarfigineqarput.
Sikumi golferluni nunarsuarmi pissartanngorpoq 30-nik ukiulik Australiamiu Jason Cunningham.
Jason Cunninghamip angutaa 58-inik ukiulik aamma unammeqataavoq.
- Ataataasoq siornatigut apummik takunikuunngisaannarpoq, ernilu nunarsuarmi pissartanngormat, Uummannaliarsimanertik peqqissimissutiginngilluinnarpaa, pissartanngorniunnermi aqutsisoq Henrik Holm oqarpoq.
Uummannami hoteliutilik Arne Niemann ukioq manna aningaasaliisuuvoq, whiskyliortartutulli ilisimaneqarluartut aappaagumiit aningaasaliisunngortussaasut, aaqqissuisunit oqaatigineqarpoq.