Sikumi arsaararneq Uummannami aallartippoq
Uummannami sikumi arsaararluni golferluni nunarsuarmi pissartanngorniunneq akunnerni makkunani ingerlanneqaleruttorpoq.
Peqataasut 13-t nunatsinnit Australiamut aggerfillit saviminermik anaatserlutik arsaaraq sungaartoq aappaluaartoq putunut 18-inut ikinnerpaanik periarlutik ullumi ikiniartussaavaat, unamminerullu immikkoortua siulleq ullaaq qulit qeqqanut aallartittoq naammassereersimalerpoq, tassa taavannguarlu nalunaaqutaq pingasunut qiteqquttoq putut kingulliit qulingiluat ikisiniarfigalugit aallartinneqarput.
Tusagassiortut nunanit tamalaaneersut arlallit golfernermik unammersuarnermut malinnaajartorlutik Uummannamut tikissimapput. Allaat Brasiliami Rio-meersut, 40-inik kiattuminngaanniit 20-inik issittumut malinnaajartortut.
Unamminersuarnermik aaqqissuisoq Henrik Holm oqaluttuarpoq Danmarksradiop P3-anit unnuaannakkut sianerfigitissimalluni toqqaannartumik aallakaatitsinermi peqataaqqulluni, allaallu BBC tutsiussimasoq.
Sikumi arsaararluni unammersuarnerup Uummannaq nunarsuami tusaamasaalersimmagu aaqqisssuisut neriupput takornariaqarnermut iluaqutaajumaartoq.
Isgolf aqagu sapaat ilanngullugu ingerlanneqartussaq nittartakkami www naggat golfonice ataannartoq naggat com-imi malinnaavigineqarsinnaavoq.
