Sikuki Harbour A/S ukiup aappassaa amingartooruteqarpoq
Nuummi umiarsualivissami ingerlatsivik 2016-imi akileraartinnani 2.9 millioner koruuninik amigartooruteqarpoq. Sikuki Harbourip naatsorsuutit taama inerneqarnerat pilersaarutaanerarpaa; naak umiarsualivissaq siornali novembarimi atulereersussaagaluartoq.
Allattoq Kenneth Elkjær
apriilip 28-at 2017 15:26
Nutserisoq Erna Lynge
Naallu amigartoorutit 3 millioner koruuningajaangaluartut siulersuisut inerneq naammaginartutut taavaat.
Aamma 2015-imi amigartoortoqarpoq. Taamanikkut akileraartinnani amigartoorutit 2,5 millioner koruuniullutik.
Naatsorsuutit 2016-imoortut takutippaat Sikuki Harbour A/S 95 millioner koruuninik nammineq aningaasaateqartoq.
Illoqarfiit pingaarnersaata umiarsualivissaa arlaleriarluni kinguartoorfiusimavoq. Siorna nalunaarutigivaa umiarsualivik februaarimi 2017-imi naammassineqarumaartoq, pilersaarutigineqaqqaartutut novembarimi 2016-imi pinnani.
KNR-ikkulli siorna februaariugaa nalunaarutigaarput issinnerujussuata aputeqaqisup sikoqaqisullu kingunerigaa umiarsualivik aasamut aatsaat naammassineqarumaartoq.
